Денеска ќе се одлучува за укинување или воведување нова вонредна состојба

Денеска во Кабинетот на претседателот на државата, Стево Пендаровски, во „Вила Водно“, ќе се одржи седница на Советот за безбедност.

Советот се очекува да одлучи за евентуална нова, четврта, одлука за вонредна состојба по двете 30 дневни и последната двонеделна што беше донесена на 15 мај.

Како што информираат од претседателскиот кабинет, на седницата, покрај постојаните членови на Советот, на покана на Пендаровски, ќе присуствува и министерот за здравство, Венко Филипче.

Денеска истекуваат последните 14 дена од последната вонредна состојба, која Пендаровски ја прогласи на 18 март.