Новиот бран на инфекции во Кина, очигледно предизвикан од мутиран коронавирус, не е причина за паника. Со мутирање, САРС КоВ-2, вирусот кој внесе страв во светот, наскоро би можел да стане обична настинка, пренесе „б92“.

Advertisements

Развојот на ефикасна вакцина или лек против новиот вид коронавирус е комплициран токму затоа што вирусот постојано се менува. Околу половина година по избувнувањето на пандемијата, научниците ширум светот регистрирале 100 различни мутации на САРС КоВ-2.

Ваквите варијанти или промени се нормални, затоа што генетската структура на вирусот се менува и се појавуваат нови подвидови. Карактеристиките на вирусот исто така можат да се променат. Последиците можат да бидат слабеење на оригиналниот вирус, но и да стане поагресивен.

Advertisements

Различните варијанти исто така потврдуваат зошто еден патоген на блеста во одреден регион на светот предизвикува бранови на инфекција со различна тежина и зошто луѓето реагираат различно на инфекцијата.

Како настануваат мутациите?

За да се размножат, вирусите користат клетки домаќини. Кога вирусите напаѓаат домаќин, тие ослободуваат генетски информации од јадрото во заразената клетка. На овој начин, клетките на телото репродуцираат милиони копии на вирусот. Но, кај такви репродукции се случуваат грешки во копирање и секоја грешка го менува и генетскиот код на вирусот – истиот мутира.

Каде и како новиот коронавирус САРС-КоВ-2 за првпат се пренесе на луѓето, досега не е разјаснето. Засега, научниците претпоставуваат дека вирусот се рашири во кинескиот град Вухан. Се претпоставува дека протеинот со кој вирусот се врзува за клетките веќе мутирал кај животните домаќини; можеби во лилјак. Во секој случај, оваа мутација овозможи пренесување на вирусот на човечки клетки.

Advertisements

Во принцип, човечкото тело е само во ситуација да се одбрани од вакви вируси. Произведува антитела, кои го штитат од вируси и го прават имун на патогените кои ја предизвикуваат болеста.

Но, ако патогенот мутира, а антителата се програмирани на старата верзија на патогенот, тогаш антителата се помалку ефикасни.

Од истата причина, редовно добиваме настинка. Бидејќи нашите тела веќе создале антитела од претходната инфекција, но немаме нови антитела за нова мутација на патогенот.

Advertisements
Advertisements